ZORAM TODAY| 9th August, 2024 (Fri): Vawiin khan Central YMA office, Tuikhuahtlang-ah NGO Coordination an thukhawm a, Mizoram-in a thil neih hlu em em leh neih chhun, Lengpui Airport chu India Air Force kuta hlan tumna a awm ni-a lang an ngaihtuah a. IAF kuta Lengpui Airport hlan hi an remti lo tih an sawi. 

NGO Co-ordination Committee chuan, Gorkhali ten Mizoram Sorkar-a OBC Status an dil chungchang pawh an ngaihtuah a. Gorkhali ten OBC Status an dil chu nakin zela ram leh hnam himna atan thil pawi a nih theih dawn avangin ṭha a ti lova, pek chiah an ngai lo tih sawiin, hemi chungchang Sorkar hmalakna chu ngun takin an enzui zel dawn a. A ṭul angin hma an la zel dawn tih an sawi.